2.277 þakkir!

Mig langar að þakka kærlega öllum meðmælendum

og sérstaklega þessum 2.277 Íslendingum

sem settu auðkennistöluna mína á kjörseðilinn.

 

TAKK fyrir stuðningin, hrós og símskeyti :)

 

mbk, René

 

Útvarpsviðtal um framboð mitt til Stjórnlagaþings

Þarf að breyta stjórnarskrá lýðveldisins núna?

Ég er ítali og kom til Íslands fyrst árið 1996. Sem sagnfræðingur ég þekki mjög vel ítölsku stjórnarskrána og mig langar að segja ykkur aðeins frá henni til að útskýra af hverju það þarf að breyta stjórnarskrá Íslands núna.

Ítalska stjórnarskráin var skrifuð á mjög erfiðum tíma, seinni heimsstyrjöldinni var nýlokið og Ítalía var í rúst. Ítalska stjórnarskráin þar til þá, var gamalt konungsríkisplagg sem veitti mjög lítið rými fyrir grunngildi og var sem sagt hannað sem „top-down" skipun gagnvart þjóðinni

En hin nýja ítalska stjórnarskrá var samþykkt árið 1947 og var hugsuð frá upphafi sem stjórnarskrá þjóðarinnar. Fyrsti grein er um fullveldi þjóðarinnar, fyrsti kafli um grunngildi, réttindi og skyldur þegnanna; svo koma kaflar um hvernig fullveldi þjóðarinnar er stjórnað af ríkisvaldinu sem á að vinna alltaf í þágu almennings. Ítalir um þessar mundir eru að þakka fyrir sína góðu nýju stjórnarskrá því hún kemur í veg fyrir að Berlusconi breytist í nýjan Mussolini, og að Mafían geri Ítalíu gjaldþrota.

Þið getið léttilega séð líkindi milli ítalsks og íslensks ástands þegar skoðað er t.d. þrýstingur efnahagsvalds og klíkuvalds á stjórnmál og áhrif stjórnmálanna á fjölmiðla.

Stjórnarskrá lýðveldisins Íslands þarf að breytast og styrkjast til að koma í veg fyrir að það sem gerst hefur undarfarinn áratug endurtaki sig.

 

Hverju helst?

Til dæmis með því að stuðla betur að verndun grunngilda og réttlætis, auka samfélagslega ábyrgð stjórnmálamanna, fyrirtækja og almennings, að takmarka vald ráðherra sem í dag hafa t.d. of mikil áhrif á dómsvald, að veita forseta Íslands aðalhlutverk í að verja betur stjórnarskrá og hann getur gert þetta með hjálp stjórnlagadómstóls.

Ísland þarf nýja stjórnarskrá sem ver betur hagsmuni þjóðarinnar með því að láta meiri hagnað auðlindanna renna til almennings en ekki bara til kvótaeiganda eða stóriðju (í dag hafa aðallega skuldir orkufyrirtækja runnið til almennings).

Og í sambandi við þetta, stjórnarskráin á að verja líka hagsmuni komandi kynslóða með því að krefjast þess að hagkerfi þróist á sjálfbæran hátt með sjálfbærri nýtingu auðlinda, því að ég tel að Ísland geti þróast án þess að eyðileggja og spilla þessari frábæru náttúru sem við erum svo heppin að eiga.

Ný stjórnarskrá Íslands þarf að gera grein fyrir nýjum stofnunum eins og sjálfstæðri Þjóðhagstofnun sem mun hjálpa Alþingi og ríkistjórn að hanna og framkvæma nýja stefnu, ekki með því að nota landsframleiðslu sem mælikvarða fyrir raunþróun samfélagsins, heldur með því að krefjast þess að búnir séu til lífsgæða- og velferðarvísar til að meta og efla lífsgæði Íslendinga.

Og ég gæti haldið áfram að telja hversu mikilvægt sé að endurskoða íslenska stjórnarskrá, t.d. til að auka beint lýðræði með því að láta þjóðina kalla á þjóðartkvæðagreiðslu um mikilvæg mál eða til að afnema lög; t.d með að aðskilja kirkja og ríki; t.d. með að verja betur réttindi barna, öryrkja, eldri borgara og fatlaðra; t.d. til að auka siðgæði í stjórnmálum og í samfélaginu öllu og bæta stjórnskipunina þannig að hún þjóni betur samfélagi okkar.

Af hverju gefur þú kost á þér?

Ég gef kost á mér því að ég get komið með mína reynslu og því að ég vil vera virkur þátttakandi í samfélagi Íslands sem hefur tekið mjög vel á móti mér.

Ég hef engar áhyggjur af því að mismunandi hugsjónir muni koma inn í stjórnlagaþingið, þvert á móti, ég tel að það sé lykilatriði til að skapa bestu hugsanlegu stjórnarskána, svo lengi sem allir stjórnlagaþingmenn séu sammála um að vinna saman til að skapa hana í þágu þjóðarinnar.

Tek undir..

...og bæti við:

Góð stjórnarskrá er sú sem inniheldur öll grunngildi en besta stjórnarskráin er sú sem er einnig virt frá fyrstu til síðustu greinar..

Vill umhverfisrétt í stjórnarskrá

Hverjar eru helstu hugmyndir þínar um breytingar á stjórnarskránni?

Ég óska þess að ný Stjórnarskrá Lýðveldisins Íslands muni tryggja:

 - að fullkomin skil séu milli löggjafar- , framkvæmdar- og dómsvalds. Að hlutverk forsetaembættisins sé einungis að verja stjórnarskrá og tryggja sjálfstæði Alþingis, ríkisstjórnar og dómstóla. Skoða þarf vel mannaráðningamál í lykilstöður. Að ríkisvald sé gegnsætt og að stjórnmál séu frjáls frá efnahagsvaldi og að þau hafi ekki áhrif á fjölmiðla.

 -  nýjar reglur um þjóðaratkvæðagreiðslur. Að mikilvæg mál eins og möguleg innganga Íslands í ESB og aðskilnaður kirkju og ríkis séu ákveðið með þjóðaratkvæðagreiðslu. Þjóðaratkvæðagreiðsla sé ógild ef þátttaka nær ekki meirihluta Íslendinga á kjörskrá og lögin séu staðfest eða hafnað með meirihluta gildra atkvæða. Að þjóðin, með undirskriftasöfnun, geti krafist þjóðatkvæðagreiðslu fyrir mikilvæg mál.

 - frjálst viðskiptafrumkvæði, sem fer ekki fram gegn almannahagsmunum, öryggi, frelsi og  mannvirðingu. Að auðlindir Íslands séu í eigu íslensku þjóðarinnar og að sjálfbær nýting þeirra sé höfð að leiðarljósi þannig að komandi kynslóðir geti einnig nýtt sér þær. Að sjálfstæð Þjóðhagsstofnun komi til stuðnings Alþingis og verði ekki lögð niður aftur.

 - efld grunngildi eins og lýðræði, jafnrétti, borgararétt og réttlæti. Að stjórnvöld og borgarar sýni samfélagslega ábyrgð, samhygð og vernd gagnvart viðkvæmum hópum í samfélaginu (börnum, fötluðum og öryrkjum), og virðingu gagvart náttúru Íslands (Náttúruverndarákvæði).

 Ég óska þess að í nýrri stjórnarskrá séu settar skýrar reglur til að verja og virða alla kafla hennar. Að öllum greinum sé fylgt í daglegu lífi, að þau séu ekki mistúlkuð og séu til fyrirmyndar fyrir alla Íslendinga. Að hún sé haldgóður og lifandi texti. Góð stjórnarskrá er sú sem inniheldur öll grunngildi en besta stjórnarskráin er sú sem er einnig virt frá fyrstu til síðustu greinar.

Hvers vegna viltu á stjórnlagaþing?

Ég er einn af þessum (mörgum) frambjóðendum sem telja að Stjórnarskrá Lýðveldisins Ísland þurfi heildarendurskoðun, svo að Íslendingar muni loksins eiga sína „eigin“ stjórnarskrá sem getur varið betur lýðræði, jafnrétti og borgararéttindi allra Íslendinga. Stjórnarskrá sem inniheldur grunngildi, reglur og ákvæði sem eru til fyrirmyndar í okkar samfélagi.

Úpplýsingar sem kjósendur eiga að vita um frambjóðendur

      Nafn: René Biasone

·         Fæðingarár: 1970

·         Starf og/eða menntun:  MA í sagnfræði, háskólanum í Pisa, 2000. Doktorsnemi í umhverfis- og auðlindafræði, HÍ (yfirstandandi). Rannsóknarmaður við Háskóla Íslands á verkfræði- og náttúruvísindasviði. Stuðningsfulltrúi á sambýli hjá Ás styrktarfélagi.

·         Hagsmunatengsl: Engin persónuleg tengsl. Ég tel mig frekar vera fulltrúa heildarhagsmuna allra Íslendinga.

·         Tengsl við flokka eða hagsmunasamtök:  Ég er, eins og allir frambjóðendur, með mínar pólitísku skoðanir en ég vinn ekki fyrir neinn stjórnmálaflokk. Rétt eftir búsáhaldabyltinguna tók ég þátt í forvali og á landsfundi VG með því markmiði að ýta undir umræður um að þjóðin stofni sinn eigin gegnsæja siðferðisbanka, að almenningsamgöngur verði tvöfaldaðar, og að siðferði í stjórnmálum verði aukið og tryggt. En síðan þá hef ég ekki tekið virkan þátt í pólitíkinni.

·         Ertu í einhverjum nefndum, ráðum eða stjórnum? Nei.

·         Annað: Ég er íslenskur ríkisborgari en ítalskur að uppruna. Ég kom til Íslands fyrst árið 1996. Ég tel að ég geti komið með annað sjónarhorn á stjórnarskrána og stjórnlagaþingið, til dæmis um mál eins og hlutverk og gildi stjórnarskrár, skipulagningu kafla og greina hennar, reglur um breytingar og staðfestingu stjórnarskrár, reglugerð til að tryggja að stjórnarskrá verði fylgt o.s.frv.

·         Maki: Pálína S. Sigurðardóttir, BA í heimspeki og guðfræði. Eigum saman 2 börn.

·         Starf maka: Mun hefja nám í Hússtjórnarskólanum eftir áramót.

·         Hagsmunatengsl maka:  Engin.

 

Réttlæti og Grunngildi

Ég býð mig fram til setu á Stjórnlagaþingi því ég óska þess að ný stjórnarskrá lýðveldisins Íslands muni tryggja:

 -  lýðræði, jafnrétti og borgararétt.

 - að sjálfstæði og fullkomin skil séu milli löggjafar- , framkvæmdar- og dómsvalds.

 -  gegnsætt ríkisvald og nýjar reglur um þjóðaratkvæðagreiðslur.

 - að stjórnmál séu frjáls frá efnahagsvaldi og að þau hafi ekki áhrif á fjölmiðla.

 - frjálst viðskiptafrumkvæði, sem fer ekki fram gegn almannahagsmunum, öryggi, frelsi og mannvirðingu.

 - að auðlindir Íslands séu í eigu íslensku þjóðarinnar og að sjálfbær nýting þeirra sé höfð að leiðarljósi þannig að komandi kynslóðir geti einnig nýtt sér þær.

 -  meira réttlæti og að stjórnvöld og borgarar sýni samfélagslega ábyrgð.

 -  aukna samhygð og vernd gagnvart viðkvæmum hópum í samfélaginu.

 -  vernd og virðingu gagnvart umhverfi og náttúru.