Atkvæði þitt til að breyta ímynd íslenskra stjórnmála

Áður en áfram er haldið, langar mig að útskýra hvaðan hugsunin bakvið þessa grein, sem snýst um siðgæði stjórnmálanna, kemur. Síðan ítalska lýðveldið var stofnað árið 1946 störfuðu hægri og miðflokka í eigin þágu með hagsmuni fárra að leiðarljósi. Þessir menn lifðu í spillingu og nýttu sér náttúruauðlindir Ítalíu með hjálp mafíunnar á Sikiley.

Það þarf því ekki að koma á óvart að ítölsk stjórnvöld í heild sinni njóti litils trausts á meðal ítalsks almennings. Þrátt fyrir að mikið vantraust á stjórnmálum sé ríkjandi, hef ég samt sem áður ávallt trúað því að eini vettvangurinn til að berjast gegn spillingunni og mafíunni sé einmitt á sviði stjórnmálanna. Þess vegna ákvað ég að taka þátt í stjórnmálum; vegna þess kærleiks sem ég ber í brjósti til bæði Ítalíu og Íslands, heimalandanna minna tveggja.

Ég tel að það sé skylda bæði Ítala og Íslendinga að berjast á móti því kerfi sem spilltar stjórnir hafa haft í frammi til margra ára, ríkistjórnir Berlusconis á Ítalíu og ríkistjórnir Sjálfstæðismanna á Íslandi.

Ég tel að það að kjósa ekki eða að skila auðu sé ekki nóg til að breyta kerfinu. Við verðum að gera miklu meira en það; kjósa breytingar og Vinstri hreyfingin Grænt framboð er eini stóri flokkurinn á Íslandi í dag sem getur tryggt Íslendingum þessa breytingu. Þeim sem finnst þeim hafa verið ofboðið, þeir móðgaðir og sviknir af spillingu, sér í lagi þeir sem hafa stutt Sjálfstæðisflokkinn í gegnum tíðina, hafa nú tækifæri á því að senda út sterk skilaboð til flokksins sem það hefur hingað til trúað á, með því að kjósa Vinstri græna í komandi kosningum. Látum Sjálfstæðisflokkinn hugsa sitt ráð næstu fjögur árin.

Ég vildi sjálfur taka þátt í hefðbundinni kosningabaráttu, þar sem að hægri og vinstri flokkar  kæmu saman og ræddu málin á málefnalegan hátt í við heilbrigðar og heiðarlegar kringumstæður. En því miður stöndum við frammi fyrir mikilvægu atriði sem varðar líf í landinu okkar í næstu kosningum.

Við erum að kjósa hvort við viljum lýðræði og réttlæti eða sama spillta kerfið sem hefur skotið rótum á Íslandi undanfarinn áratug.Ísland mun lifa af efnahagskreppuna bara ef siðferði stjórnmálanna verður fyrst tekið í gegn með fólk við stjórn sem vinnur vinnuna sína af hæfni, trú og ættjarðarást að leiðarljósi.

“Ofurstyrkir” sem hægristjórnir Sjálfstæðismanna fengu frá bankastjóra og eigendum helstu fjármálafyritækja sýnir að þæir hafa unnið í þágu einkahagsmuna fárra auðmanna. Undir stjórn þeirra hefur verið mótað eftirlitslaust fjármálakerfi til að hjálpa þessum auðmönnum að flytja eignir sínar í erlend skattaskjól, með þeim afleiðingum að heilt land fór á hausinn.

Fólk veltir fyrir sér hvort þessar “styrkir” sem Sjálfstæðisflokkurinn hefur þegið séu aðeins toppurinn á ísjakanum og víðari leynileg múturkerfi séu til staðar á Íslandi eins og var Ítalíu á tíunda áratugnum og er því miður enn við lýði þar. Ég vona að svo sé ekki en því miður kæmi það mér hins vegar ekki á óvart ef svo væri.Saga mannkyns kennir okkur að vald til langs tíma spillir fólki sem hefur lágt siðgæði.

Eini valkostur okkar til að komast úr þessum ólgusjó er að kjósa VG sem er eini stór flokkur sem vill að siðgæði íslenskra stjórnrvalda verið bætt verulega. Mín ályktun um siðferðismál stjórnmálanna er einfaldlega þessi: Að einstaklingar sem hafa verið dæmdir fyrir mútur, fjársvik, skattsvik og fleiri brot gegn þjóðinni, eða hafa brotið lög þegar þeir voru í opinberu starfi, megi ekki sitja aftur í opinberu starfi.

Bjarni Ben kaus fyrstur

Orkuauðlindir loksins fyrir Ísland!

Það vekur athygli að þótt Ísland sé að framleiða gríðalega mikið af hreinni orku, sérstaklega miðað við mannfjölda, hefur það aldrei verið skuldlaust og í dag er hver Íslendingur skuldugasti maður í heimi.

Orkuauðlindir hafa verið notaðar sem pólitískt vopn og aðallega í þágu hagsmuna fárra. Íbúar á landsbyggðinni hafa sérstaklega liðið fyrir þessa pólitík, þar sem þeir voru settir í bið áratugum saman og látnir dreyma um að kosningaloforð Sjáfstæðismanna og Framsóknarmanna myndu einhvern tíma verða efnd. Landsvirkjun hefur verið tæki hægrimanna til að auka sitt eigið pólitíska vald á kostnað almennings. 

Landsvirkjun og gamaldags hugsjónir

Til að koma efnahagslífinu aftur af stað verðum við að markaðssetja auðlindir okkar á betri hátt en hefur verið gert hingað til og má nefna sölu á orku til álframleiðslu þar sem orkan hefur verið seld á alltof lágu verði. Landsvirkjun þénar vissulega mikið en í raun og veru þó aðeins brot af því sem hún gæti raunverulega þénað.

Þess vegna er Landsvirkjun, mikilvægasta ríkisstofnun Íslands, næstum gjaldþrota; ennþá máttlaus stofnun sem hefur verið stjórnað af hægrimönnum til að uppfylla gamaldags pólitískar hugsjónir. Landsvirkjun hefur aldrei stutt það að í landinu myndist tugir fyrirtækja sem myndu jafnvel borga helmingi hærra raforkuverð en álfyrirtækin gera.

Í dag er mest af álframleiðslu heimsins notuð til að búa til dósir og meira en helmingur alls áls sem framleitt er, er ekki endurunnið, sökum lágs framleiðslukostnaðar hér á landi. 

Tækifærin

Það sem ég vil sjá sem fyrst er að almenningur sé upplýstur um raforkuverð. Orkan ætti að vera seld til fyrirtækja sem eiga sér örugga og bjarta framtíð, t.d hátæknifyrirtæki en einnig önnur fyrirtæki sem ýta undir sjálfbæra framleiðslu eins og hluta í sólarorkusellur.

Önnur orkufrek og vinnuaflsfrek atvinnugrein er lífrænn landbúnaður í gróðurhúsum. Í framtíðinni getur Ísland einnig notað mikið rafmagn í framleiðslu á gervidísil eða beint fyrir rafmagnsknúna strætisvagna eða lestakerfi.

Hundruð nýrra starfa við almenningssamgöngur

Almenningssamgöngur eru mikilvægur hluti af velferðarkerfinu okkar og það er sorglegt hvernig þær hafa verið gerðar tilgangslausar og óheillandi með reglulegum niðurskurði frá hægristjórnum sem hafa eingöngu hugsað um hagsmuni olíufyrirtækja og vertakafyrirtækja.

Öflugar almenningsamgöngur hafa áhrif á notkun einkabíla og þar af leiðandi á minnkun bílaumferðar. Þær geta sparað milljarða í vegagerð og milljarða tonna af eldsneyti, einkum vegna einkabílanotkunar. Bara 15% minnkun í notkun einkabíla vegna aukinnar notkunar á strætisvögnum væri nóg til leysa umferðateppu og spara um leið milljarða króna í framkvæmdum.

Veruleg efling strætó- og rútukerfisins er besta leiðin til að hjálpa mörgum fjölskyldum sem þurfa nú að eiga tvo bíla; þær gætu þá haft tækifæri til að losa sig við einn bíl, nota strætó eða rútu og spara þannig fleiri hundruð þúsundir króna á ári. Almenningssamgöngukerfi ætti að vera undir stjórn Samngönguráðuneytisins, svo það sé hægt að samlaga strætókerfi og rútukerfi á lansdvísu.

Það er mikilvægt að stór almenningssamngöngumiðstöð fyrir strætó, rútur og hugsanlega lest, rísi eins nálægt miðbæ Reykjavíkur, Landspítalanum og Háskóla Íslands og hægt er, en sé alls ekki einangrað við Hótel Loftleiðir eins og er fyrirhugað þessa dagana. Fullkomin staðsetning væri í “U reit”, þar sem BSÍ og  bensínstöðin eru. 

Þrefalt strætókerfi og tvöfalt rútukerfi myndi enn fremur þýða hundruð nýrra starfa, sem væru einfaldlega styrkt með hluta af eldsneytisskatt, t. d. 6 kr. af hverjum lítra af eldsneyti. Ég ímynda mér að hægt sé líka að búa til árskort á lágu verði fyrir alla Íslendinga, auðvitað ókeypis fyrir öryrkja og börn. 

Ég trúi ekki þeim sem segja að Íslendingar muni ekki nota strætó þótt keyrt sé á 15 mínútna fresti sjö daga vikunnar rétt fyrir framan íbúðina þeirra.

Ég tel, hins vegar, að öflugt almenningssamgöngukerfi myndi líka vera mikið notað af þeim fjölskyldum sem eiga bíl og þess vegna myndi það hafa áhrif á umferð, öryggi og heilbrigt umhverfi.

Grænt Ísland, atvinnutækifæri

Ísland getur styrkt hagkerfið sitt með því að nota auðlindir sínar á besta hugsanlegan hátt.

Grænt efnahagskerfi

Ríkisstjórnin hefur þeim skyldum að gegna gagnvart íslensku þjóðinni að nýta þær auðlindir sem við búum yfir á sem bestan hátt. Hún hefur einnig þeim skyldum að gegna gagnvart alþjóðasamfélaginu að hjálpa til við að ýta undir nýtingu endurnýjanlegrar orku til þess að létta af þeim kvöðum sem þjóðir heims eru undir vegna stöðugrar notkunar jarðefnaeldsneytis.  Hér má t.d. nefna sólarorku.Vegna þessa þurfum við að laða til landsins hátæknifyrirtæki sem framleiða m.a. hluti í sólarorkusellur. Það er enn fremur skylda okkar gagnvart öllum þegnum Íslands að framleiðslu sé dreift jafnt um allt land. 

Í þessu tilfelli ég vill sjá að “Ný-Landsvirkjun” vinni fyrir íslenska þjóð með því að bjóða íslenska orku, sem þjóðin á með réttu, á réttlátu verði til fyrirtækja sem taka þátt í svokölluðu “grænu efnahagskerfi” eða í “afkolun í hagkerfinu”.Mig langar einnig að sjá töluverða efling lífræns landbúnaðar (t.d. 400 ha. gróðurhús) og þetta má meðal annars gera með því að bjóða íslenskum bændum, sem vilja auka framleiðslu lífrænna matvæla, ódýran jarðvarma. 

Landbúnaðarmál  

Kraftmikill landbúnaður er brýnt samfélags- og umhverfismál. Ekki síður á krepputímum en í góðæri.  Þessi atvinnuvegur gegnir meðal annars því hlutverki að framleiða gæðamatvæli á viðráðanlegu verði.Útfluntningur hágæðalandbúnaðarvara til nágrannalandanna getur styrkt íslenskan efnahag og um leið tryggt fæðuöryggi á Íslandi. Í mörgum löndum er lífrænn landbúnaður  í dag yfir 10% af heildarlandbúnaði og fer vaxandi.

Á Íslandi er vottaður lífrænn búskapur aðeins 1% af heildarframleiðslunni. Okkar markmið er að styðja við bakið á lífrænum landbúnaði og að hlutfall hans hækki upp í 15%. Á sama tíma getur efling lífrænnar ræktunar í gróðurhúsum skapað fleiri hundruð störf. Í dag er aðeins  2% af jarðvarma notaður til  landbúnaðar og ætti að vera okkar markmið að hækka það  hlutfall  í  20%.

Siðferðisbanki Íslands

Íslendingar hafa í dag tækifæri til að móta hlutverk íslensku bankanna, sem núna eru í ríkiseigu. Hlutverk bankanna er mikilvægt í samfélaginu en bankarnir hafa misnotað sparifé almennings á glæfralegan hátt, í ofurlaun bankastjóra og í óskynsamlegt verkefni eins og  að sprengja íslenskan fasteignamarkað.

Til að komast út úr þessum efnahagsþrengingum eins fljótt og hægt er, verðum við fyrst að upplýsa og skilja vel orsakir kreppunnar, eins og spillinga- og krosstengslakerfi Sjálfstæðismanna í bankakerfinu. Afleiðingar af sölu bankanna til vanhæfra og siðlausra vina hægristjórnar blasa við okkur í dag á hörmulegan hátt. 

Tækifærin

Í dag gæti Ísland stofnað einn stóran og traustan siðsferðisbanka, sem gæti til að mynda heitið Siðferðisbanki Íslands, sem er einfaldlega sparisjóður og fjármálafyrirtæki sem starfar með gegnsæi og sækist ekki bara eftir vöxtum heldur líka og sérstaklega eftir framförum í samfélaginu. 

Siðferðisbanki Íslands yrði stofnaður eða grundvallaður á sparifé fólks, lífeyrissjóða og þeirra einkafyrirtækja og opinberra stofnana, sem láta sig varða siðferðilegar grundvallarreglur og starfa auðvitað ekki sjálf gegn þeim. 

Siðferðisbanki Íslands myndi lána til og fjármagna græn viðskipti, iðnað, þjónustu; í lífrænum landbúnaði, og móta sterkt, sjálfbært og heilbrigt hagkerfi. Síðast en ekki síst myndi Siðferðisbanki Íslands forðast að fjármagna hvers kyns áhættu með verðbréf og einblína aðeins á raunverulegt hagkerfi. 

Það eru tugir slíkra banka víðar um heim sem fjármagna aðeins viðskipti sem engin eða lítil slæm áhrif hafa á umhverfið; viðskipti sem styðja framleiðslu og notkun á óhefðbundinni orku; viðskipti sem þjóna ekki heriðnaði, sem koma ekki að barnaþrælkun og, síðan en ekki síst, viðskipti sem virða réttindi verkamanna sem og kynjajafnrétti. 

Brýnt er að siðferðisfjármálakerfi auki áhrif sín verulega svo að fólk geti valið í hvaða verkefni, atvinnugeira og framleiðslu, sparifé sitt mun vera notað sem fjármagn.

FORVAL VINSTRI GRÆNNA Í REYKJAVÍK

Kjörfundur í Suðurgötu 3, 101 Reykjavík

Kl: 10:00 – 22:00

OPIÐ HÚS Í TRYGGVAGÖTU 11, 101 Reykjavík

Frá 14:00 – 17:00

Frambjóðendur með heitt á könnunni

Slagorð mitt í baráttunni er:

 

Viljirðu breytingu,

verður ÞÚ að vera

breytingin. 

Einnig á Facebook

René Biasone í VG á Facebook

René Biasone - 4. til 6. sæti í forvali VG - (5-7.mars)

Sæl,

ég heiti René Biasone og býð mig fram í 4. til 6. sæti á lista VG í Reykjavík í forvali fyrir Alþingiskosningar.

Ef þú vilt hjálpa mér, endilega segja öllum vinum þínum frá mér.

Ef þú vilt kjósa mig taktu þátt í forvali VG í Reykjavík 7. mars næstkomandi. Kosningarétt hafa allir þeir sem skráðir eru félagar í VGR, 6. mars næstkomandi.

Kær Kveðja,

René

UM MIG - ÁHERSLUMÁL:

Ég er Landafræðingur og Sagnfræðingur (Háskóli í Pisa, 2000) og hóf doktorsnám við HÍ árið 2002 og hefur klárað þrjú ár á doktorsstigi við viðskiptafræðideild.

Með námi hef ég unnið sem stuðningsfulltrúi hjá Ás styrktarfélagi og unnið við rannsóknir hjá Viðskiptafræðistofnun HÍ.
Kona mín heitir Pálína S. Sigurðardóttir og við eigum tvær dætur.

Ég er jafnréttis-, réttlætis- og náttúruverndarsinni og telur að félagshyggja og umhverfisvænt hagkerfi og lífstíll séu nátengt hvert öðru.

Ég vill vinna að því að bæta lífsgæði Íslendinga og auka fjölbreytni í atvinnutækifæri á landsbyggðinni sem og í Reykjavík.

Ég hef áhuga á málum sem varða samskipti Íslands við önnur Evrópuríki, einkum Norðurlöndin, og finnst mikilvægt að skoða hvernig þau samskipti geta og skulu þróast í framtíðinni.

Ég vill leggja minn skerf til málstaðar VG, ekki síst vegna þess að sem útlendingur á Íslandi, get ég verið nokkurs konar tákn fjölmenningarlegs anda hreyfingarinnar.